Aktuelle hovudbøker:
2-6 år: Bronto Biff på Cafè Olala
Bronto Biff er ein merkeleg dinosaur med ein merkeleg diett. Han et berre svart mat! Dag etter dag, veke etter veke. Men ein dag får han nok. Det må då vere meir i livet enn dette? For første gong i livet går Bronto på restaurant, og bestiller alt på menyen. Men alt er litt for mykje for magen til Bronto ... kanskje å smake på passe mykje er betre? Dette er ei sprudlande bildebok om tema ungar har eit nært forhold til: kjensler, smakar, lukter, fargar,mat og bæsj. Og Bronto Biff er ein uttrykksfull fyr som ber historia på dei digre dinosaurskuldrene sine.
Les meir om hovudboka her
6-12 år: Detektiv Smartbart og sabotasjen på badet
Første bok i ny herleg detektivserie! Hagbart er den minste i søskenflokken. Ein dag, heilt i starten på ein lang og fin ferie, blir dei tre søskena vekt av eit stort brøl. Faren Kyrre har sett seg lei på alt rotet som har samla seg i huset, og set i gang Operasjon Husvask. Mens Oberst Dobørst, som Hagbart og søskena hans gjerne kallar faren i slike situasjonar, dreg på kjøpesenter, skal dei tre søskena vaske huset. Ikkje alt går som planlagt. Nokon prøver å sabotere Operasjon Husvask og alle spor peikar i retning av Hagbart. Dette er heilt klart ei sak for Detektiv Smartbart. Ei lettlest og fantasifull bok som dei fleste barn lett kan kjenne seg igjen i. Boka er humoristisk skriven av Sigrid Merethe Hanssen og artig illustrert av Åshild Irgens. Ho eignar seg godt til både sjølv- og høgtlesing.
